മാര്ക്കേസ്; കഥ പറയാനായി ജനിച്ചവന്
ഏകാന്തതയുടെ നൂറു വര്ഷങ്ങള് എന്ന നോവലില് ഗാബോ ഇങ്ങനെ എഴുതിയിരുന്നു:“അതി സാധാരണമായി പോകുന്ന ദിവസങ്ങളെ, ചിലപ്പോള് ചില കാര്യങ്ങള്, അതു വരെയില്ലാത്ത വിധം ചലിപ്പിക്കും...” എന്നാല് ഇന്നലെ ലോകത്തെ ഒരു നിമിഷത്തേക്ക് അതുവരെയില്ലാത്ത നിശബ്ദതയിലേക്ക് തള്ളിവിട്ടാണ് മാജിക്കല് റിയലിസത്തിന്റെ വക്താവ് ഗബ്രിയേല് ഗാര്സ്യ മാര്ക്കേസ് എന്ന കൊളംബിയന് എഴുത്തുകാരന്റെ മരണ വാര്ത്ത ലോകം അറിയുന്നത്. കടുത്ത ഏകാന്തതയിലേക്ക് മലയാളികള്ക്ക് ഏറെ പ്രിയപ്പെട്ട ഗാബോ യാത്രയാകുമ്പോള് അതിനെ ദൈവത്തിന്റെ മാജിക്കല് റിയലിസം എന്ന് മാത്രമെ പറയാന് സാധിക്കൂ.
പലപ്പോഴും വാര്ത്തകളില് നിറഞ്ഞ് നിന്നിരുന്ന പ്രകൃതമായിരുന്നു ഗാബോയുടേത്. മാറിയോ വര്ഗാസ് ലോസയുമായുള്ള ആശയപരമായ തര്ക്കവും ഗാബോക്ക് മറവി രോഗം ബാധിച്ചതും മാധ്യമങ്ങളിലും ജനങ്ങള്ക്കിടയിലും ചര്ച്ചാ വിഷയമായിരുന്നു. 2012 ജൂലൈ മാസത്തിലാണ് ഗാബോക്ക് മറവി രോഗം ബാധിച്ചതെന്ന് കണ്ണീരോടെ അദ്ദേഹത്തിന്റെ സഹോദരന് ജെയിംസ് ഗാര്സ്യ മാര്ക്കേസ് പുറത്ത് വിട്ടത്. ജെയിംസ് കണ്ണീരോടെ തുടര്ന്നു. “ഗാബോക്ക് മറവി രോഗം പിടിപ്പെട്ടു. അദ്ദേഹത്തിന്റെ എഴുത്തുകള് നിലക്കാന് പോകുന്നു. ലോകത്തിന് ഗാബോയെ നഷ്ടപ്പെടുമെന്നുള്ള തോന്നല് എന്നില് ഉണ്ടായിരിക്കുന്നു...” ലോകത്തെ മുഴുവന് കണ്ണീരണിയിച്ച ആ വാര്ത്ത പുറത്തു വന്നതിനു ശേഷം, ഗാബോയുടെ രോഗ മുക്തിക്ക് വേണ്ടി ലോകജനത മുഴുവന് ദൈവത്തോട് പ്രാര്ത്ഥിച്ചിരുന്നുവെങ്കിലും വിധി മറ്റൊന്നായിരുന്നു.
ലിവിങ് ടു ടെല് ദ ടെയ്ല്’ എന്നായിരുന്നു അദ്ദേഹത്തിന്റെ ആത്മകഥാപരമായ കൃതിയുടെ പേര്. കഥപറയാന് വേണ്ടി ജീവിക്കുന്നു എന്നര്ത്ഥം. അദ്ദേഹത്തിന്റെ അവസാനത്തെ കൃതിയായിരുന്നു ലിവിങ് ടു ടെല് ദ ടെയ്ല്. 2002ലായിരുന്നു പുസ്തകം പ്രസിദ്ധീകരിക്കുന്നത്. കൃതിയുടെ രണ്ടാം ഭാഗത്തിന്റെ രചനക്കിടെയാണ് അദ്ദേഹത്തിന് മറവിരോഗം ബാധിച്ചെന്ന വാര്ത്ത ലോകമറിയുന്നത്. തുടര്ന്ന് പുസ്തകത്തിന്റെ രണ്ടാം ഭാഗം ഉപേക്ഷിച്ചു. അദ്ദേഹത്തിന്റെ ഓരോ കൃതിക്കും ലോകത്തോട് പറയാന് ഒരുപാടുണ്ടായിരുന്നു. ഒരു ഉത്തമ പൗരന്റെ വളര്ച്ചക്ക് വേണ്ട ഉപദേശങ്ങളുണ്ടായിരുന്നു. ആ ബോദ്ധ്യം കൊണ്ടാവാം ഗാബോയുടെ ആ കൃതിക്ക് ലിവിങ് ടു ടെല് ദ ടെയ്ല് എന്ന പേര് നല്കിയത്.
1967 ല് 39-ാം വയസ്സില് ഒരെഴുത്തുകാരന് എന്ന നിലയില് കൗമാരത്തില് എത്തിനില്ക്കുമ്പോഴായിരുന്നു ഗാബോയുടെ മാസ്റ്റര്പീസായ ഏകാന്തതയുടെ നൂറ് വര്ഷങ്ങള് എന്ന കൃതിയിലൂടെ മക്കൊണ്ടോ നഗരം സൃഷ്ടിക്കപ്പെടുന്നത്. മക്കൊണ്ടോ എന്ന സാങ്കല്പ്പിക നഗരത്തിന്റെ നഗരവാസികളും ഉള്പ്പെടുന്നതാണ് കഥാപശ്ചാത്തലം. നോവലിലൂടെ ലാറ്റിന് അമേരിക്കയിലെ അന്നത്തെ സാമൂഹ്യ വ്യവസ്ഥിതിയും അരക്ഷിതാവസ്ഥയും അദ്ദേഹം വരികള്ക്കിടയിലൂടെ വിശദമാക്കി. വരാന് പോകുന്ന വികസന വിപ്ലവത്തിന്റെ പ്രവചനങ്ങള് കൂടിയായിരുന്നു ഏകാന്തതയുടെ നൂറ് വര്ഷങ്ങള്.
അജ്ഞത അന്ധതയിലേക്ക് നയിക്കുമെന്നും അക്ഷരങ്ങള്ക്ക് ലോകത്തെ കീഴ്പ്പെടുത്താനാകുമെന്നും ഈ കൃതിയിലൂടെ ലോകത്തെ ബോദ്ധ്യപ്പെടുത്തിയാണ് അദ്ദേഹം ഏകാന്തതയുടെ അനന്ത പഥങ്ങളിലേക്ക് യാത്രയാകുന്നത്. മറവിരോഗം കാരണം ഇരുട്ടിലകപ്പെട്ടുപോയ മക്കൊണ്ടോ നഗരവാസികള്ക്ക് സഹായകമായത് പരിചിതരായ വസ്തുക്കളില് അതിന്റെ പേരുകള് എഴുതിവെച്ചായിരുന്നു. നിത്യോപയോഗ വസ്തുക്കളില് പോലും അവയുടെ പേര് രേഖപ്പെടുത്തിയാണ് മാക്കൊണ്ടോക്കാര് മറവിയെ അല്ലെങ്കില് അജ്ഞതയെ മറികടന്നത്.
പേരു സൂചിപ്പിക്കും പോലെ കടുത്ത ഏകാന്തതയുടെയും ദാരിദ്ര്യത്തിന്റെയും 18 മാസമെടുത്തു ഗാബോക്ക് പുസ്തകം പൂര്ത്തിയാക്കാന്. രചനക്കിടയില് കുടുംബത്തെ പട്ടിണിക്കിടാതിരിക്കാനായി എഴുത്തിനു മുന്പ് അദ്ദേഹം തന്റെ കാര് വിറ്റിരുന്നു. അഞ്ചു്കോടി കോപ്പികള് വിറ്റുപോയ, മഹത്തായ ഈ കൃതി പില്ക്കാലത്ത് മാര്ക്കേസിയന് മാന്ത്രികതയെന്നും ഗാബോയുടെ മാജിക്കല് റിയലിസം എന്നും വാഴ്ത്തപ്പെട്ടു. 25 ലധികം ഭാഷകളിലേക്ക് ഗ്രന്ഥം തര്ജ്ജമ ചെയ്യപ്പെട്ടു. വേദനകള്ക്കും ത്യാഗത്തിനുമൊടുവില് നോവല് പുസ്തകമായപ്പോള് അതൊരു ഇതിഹാസ സൃഷ്ടിയായി മാറി. 1982ല് അര്ഹിക്കുന്ന അംഗീകാരമായി ഈ പുസ്തകത്തിന് നൊബേല് സമ്മാനവും ലഭിച്ചു. പുസ്തകം പുറത്തിറങ്ങിയതിനെ തുടര്ന്ന് ഏണസ്റ്റ് ഹെമിങ്വേ, ലിയോ ടോള്സ്റ്റോയ്, ചാള്സ് ഡിക്കന്സ് തുടങ്ങിയവരുടെ ഇതിഹാസ ശ്രേണിയിലേക്ക് അദ്ദേഹവും ഉയര്ന്നു. ആ ചെറിയ പ്രായത്തില് തന്നെ. ഇതില് ഏണസ്റ്റ് ഹെമിങ്വേയോട് ഗാബോ അടുത്ത ബന്ധം പുലര്ത്തിയിരുന്നു.
ഒരിക്കല് മാര്ക്കേസ് ഇങ്ങനെ എഴുതിയിട്ടുണ്ട്: ചരിത്രാതീത കാലത്തെ മുട്ടകള് പോലെ, മിനുസപ്പെട്ട വെളുവെളുത്ത കല്ലുകളുള്ള പുഴ. അതിന്റെ തീരത്ത് പത്തിരുപത് വീടുകള് മാത്രമുള്ള ഇടമായിരുന്നു കുട്ടിക്കാലത്ത് മക്കൊണ്ടോ നഗരം. ആ ലോകം പുതിയതായിരുന്നു, വസ്തുക്കള്ക്ക് പേരുണ്ടായിരുന്നില്ല. പേരില്ലാത്ത ലോകത്തേക്ക് അദ്ദേഹം യാത്രയായപ്പോള് യഥാര്ത്ഥത്തില് ഏകാന്തതയില് അകപ്പെട്ടത് മാര്ക്കേസിനെ നെഞ്ചേറ്റിയ സാഹിത്യ സ്നേഹികളാണ്. ജിപ്സികള് തങ്ങളുടെ പുതിയ കണ്ടുപിടുത്തങ്ങള് കൊണ്ട് മാക്കൊണ്ടോ നഗരം സന്ദര്ശിച്ച പോലെ പുതിയ എഴുത്തുകളും ചിന്തകളുമായി ഗാബോ പുനര്ജനിക്കുമെന്ന് നമുക്ക് അന്ധമായി വിശ്വസിക്കാം. പ്രിയപ്പെട്ട ഗാബോ, താങ്കള് ഇനിയും ജീവിക്കേണ്ടിയിരിക്കുന്നു കഥപറയാന് വേണ്ടി മാത്രം.
Comments
Post a Comment