വയലറ്റ്

ആൻ്റണി ലിക്സൺ

"ദൈവത്തെ ഓര്‍ത്ത് ഇനി എന്‍റെ പുറകെ വരരുത്".

അശ്വിന്‍ എന്നത്തെയും പോലെ അന്നും പറഞ്ഞു നിര്‍ത്തി ഒരക്ഷരം പോലും മിണ്ടാതെ അവള്‍ പോവുകയും ചെയ്തു.നാലു മാസങ്ങള്‍ക്കു മുന്‍പാണ് അവള്‍ അശ്വിനെ കാണുന്നത്.അന്നു മുതല്‍ ഇന്നു വരെ അവന്‍റെ വഴക്കു കേള്‍ക്കാത്ത ഒരു ദിവസം പോലും ഉണ്ടായിട്ടില്ല.എന്നാലും അവള്‍ അവനെ തേടി വന്നു കൊണ്ടേയിരുന്നു.

കോളേജ് കഴിഞ്ഞുളള സമയം കൂടുതലും ബാറില്‍ ചെലവഴിക്കാനായിരുന്നു അശ്വിനു താല്‍പ്പര്യം.അന്ന് ഞാന്‍ അവനോടു ചോദിച്ചു.എന്തിനാണ് ആ പെണ്‍കുട്ടിയെ ഇത്ര avoid ചെയ്യുന്നതെന്ന്.
അവന്‍ പറഞ്ഞു "എല്ലാം അറിയുന്ന നീ തന്നെ ഇത് പറയണം.അവളില്ലെ ആ റോസ്ലിന്‍ കൂടെ നിഴല്‍ പോലെ നടന്നിട്ടാണ് എന്നെ ചതിച്ചത്.
ഞാന്‍ ചോദിച്ചു "എല്ലാവരും റോസ്ലിനെ പോലെ ആവണമെന്നില്ലല്ലോ?
അവന്‍ പറഞ്ഞു "എല്ലാം കണക്കാ പെണ്ണല്ലെ വര്‍ഗം ചതിക്കും.അത് കൊണ്ട് ഇനിയങ്ങോടുളള ജീവിതത്തില്‍ എനിക്കൊരു പെണ്ണിനെ വേണമെന്നില്ല."
ഞാന്‍ പിന്നെ ഒന്നും മിണ്ടാന്‍ നിന്നില്ല.
ബാറില്‍ നിന്ന് പുറത്തേക്കിറങ്ങിയപ്പോള്‍ പുറത്ത് മഴ പെയ്യുന്നുണ്ടായിരുന്നു.അപ്പോഴാണ് മഴ നനഞ്ഞു നില്‍ക്കുന്ന അവളെ ഞാന്‍ കണ്ടത്.ഞാന്‍ അശ്വിനോട് പറഞ്ഞു "നോക്കെടാ ആ കുട്ടിക്ക് നിന്നെ ഒരുപാട് ഇഷ്ടമാണ്.കണ്ടില്ലെ മഴയത്ത് പോലും നിന്നെ കാത്തു നില്‍ക്കുന്നത്"
ഞാന്‍ പറഞ്ഞു തീര്‍ക്കും മുന്‍പ് അവന്‍ അവളോടു തട്ടിക്കയറി

"നീ വിചാരിക്കുന്ന പോലെ കുറച്ചു പിറകെ നടന്നുന്ന് വച്ച് ഏതവള്‍ക്കും വഴങ്ങുന്ന ആളല്ല ഞാന്‍.നിന്‍റെ അസുഖത്തിന് വേറെ ആളെ നോക്കുന്നതാ നല്ലത്.
അവളെ തട്ടി മാറ്റിക്കൊണ്ട് അവന്‍ നടന്നു.
അവളുടെ കൈയിലെ ബുക്കുകള്‍ നിലത്തു വീണു.അവള്‍ ഒന്നും മിണ്ടാതെ ബുക്കുകള്‍ നിലത്തു നിന്നും എടുക്കവെ ഞാന്‍ ചെന്ന് അവളെ സഹായിച്ചു.ബുക്കിന്‍റെ താളില്‍ വയലറ്റ് എന്നെഴുതിയിരുന്നു.ഞാന്‍ അവളോട് ചോദിച്ചു 
വയലറ്റ് എന്നാണല്ലെ പേര്?
അവള്‍ തലയാട്ടി.അവളുടെ കണ്ണില്‍ കണ്ണീര്‍ പൊടിയുന്നുണ്ടായിരുന്നു.
പിറ്റേന്ന് ഞാന്‍ അശ്വിനോട് പറഞ്ഞത് മോശമായിപ്പോയി എന്ന കാര്യം ഓര്‍മിപ്പിച്ചു.പക്ഷേ അവനില്‍ ഒരു ഭാവഭേദവും ഉണ്ടായിരുന്നില്ല.

പക്ഷെ അവളുടെ അവസ്ഥയില്‍ എനിക്കു സഹതാപം തോന്നി.അന്നും അവനെ കണി കാണാന്‍ അവള്‍ വന്നു.അന്നു ഞാന്‍ അവളെ പിന്‍തുടര്‍ന്നു.അവസാനം ഞാന്‍ അവളോട് ചോദിച്ചു എന്തിനാണ് അശ്വിന്‍റെ പുറകെ നടക്കുന്നതെന്ന്.അവള്‍ ചിരിച്ചു.ഞാന്‍ ചോദിച്ചു ഇയാള്‍ക്ക് അത്ര ഇഷ്ടമുണ്ടെന്നു വച്ചാല്‍ അതെന്താ അവനോട് പറയാത്തത്?
അതിനും മറുപടി ഒരു ചിരിയിലൊതുങ്ങി.
ഞാന്‍ പറഞ്ഞു ഇങ്ങനെ ചിരിച്ചു കൊണ്ടിരുന്നാല്‍ ഒരു കാലത്തും അവന്‍ സമ്മതിക്കുമെന്ന് എനിക്കു തോന്നുന്നില്ല.അവള്‍ ഗേറ്റ് തുറന്നു വീട്ടിലേക്കു കയറി.പിന്നാലെ ഞാനും.അവള്‍ ഒരു നോട്ട്പാഡില്‍ എഴുതി.എനിക്കു സംസാരിക്കാന്‍ കഴിയില്ല.അപ്പോഴാണ് അവള്‍ ഒരു ഊമയാണെന്ന് എനിക്കു മനസ്സിലായത്.അവള്‍ പിന്നെയും എഴുതി.കൂട്ടുകാരനോടു മദ്യപിക്കരുതെന്നു പറയണം.ഞാന്‍ ചോദിച്ചു എന്തിന്??
അവള്‍ ഒരു കത്ത് എനിക്കു നേരെ നീട്ടി.

"നീ എനിക്കു തരുന്ന സ്നേഹത്തിനു പകരം ഞാന്‍ നിനക്കെന്‍റെ ഹൃദയം തരാം.അത് എത്ര നാള്‍ മിടിക്കുന്നുവോ അത്രയും നാള്‍ ഞാന്‍ നിന്‍റെ കൂടെ ഉണ്ടാവും എന്‍റെ പ്രണയം അതു നിലയ്ക്കും വരെ നിലനില്‍ക്കും'' 
കത്തില്‍ ആകാശ് എന്നെഴുതിയിരുന്നു.
ആരാ ഈ ആകാശ്?
അവള്‍ എഴുതി he's my lover
അയാള്‍ ഇപ്പോള്‍ എവിടെയുണ്ട്?
അതിനു മറുപടി പറഞ്ഞത് ഒരു പത്ര വാര്‍ത്ത ആയിരുന്നു.
മുംബൈ മലയാളി റോഡ് അപകടത്തില്‍ മരിച്ചു. എനിക്കു സങ്കടം തോന്നി പക്ഷെ അതിലേറെ ജിജ്ഞാസ ആയിരുന്നു.ഞാന്‍ അവളോട് ചോദിച്ചു.എന്താണ് നീയും അശ്വിനും തമ്മിലുളള ബന്ധം.അതിനും മറുപടി ഒരു പത്ര വാര്‍ത്ത ആയിരുന്നു.വാര്‍ത്ത വായിച്ച ഞാന്‍ അമ്പരന്നു .
ഞാന്‍ അവിടെ നിന്നിറങ്ങി.അശ്വിന്‍ ആയിരുന്നു ലക്ഷ്യം .പതിവു പോലെ ബാറില്‍ വച്ച് അവനെ ഞാന്‍ കണ്ടു.

ഞാന്‍ പറഞ്ഞു ഇനി നീ കുടിക്കരുത്.

അവന്‍റെ മുഖത്ത് പുച്ഛ ഭാവമായിരുന്നു.

ഞാന്‍ പറഞ്ഞു നീ അവളെ സ്നേഹിക്കണം.

അവന്‍ പറഞ്ഞു ശരി സര്‍ വേറെ എന്തൊക്കെയാണു ഞാന്‍ ചെയ്യേണ്ടത്.
ടാ അവള്‍ ഒരു ഊമയാടാ.
അവന്‍ പറഞ്ഞു അപ്പോ സ്പീക്കറില്ലാത്ത പീസാണോ അത്.
എനിക്ക് ദേഷ്യം സഹിക്കാനായില്ല.
i will feel pity on her if she says she loves you.അവള്‍ നിന്നെയല്ല ഇഷ്ടപ്പെടുന്നത്.
അവന്‍ ചോദിച്ചു പിന്നെ??
അഞ്ചു മാസങ്ങള്‍ക്കു മുന്‍പ് ഹൃദ്രോഗവുമായി ജീവനു വേണ്ടി കെഞ്ചിയ നീ ഇന്നിവിടെ ഇരിക്കുന്നത് പോലും അവളുടെ കാരുണ്യം കൊണ്ടാണ്.അന്ന് നിനക്കു മാറ്റി വച്ച ഹൃദയം അവളുടെ കാമുകന്‍റെയാണ്.അവള്‍ സ്നേഹിക്കുന്നത് നിന്നെയല്ലെടാ നിന്‍റെ ഉളളിലെ ഹൃദയത്തെയാണ്.നീ മദ്യപിക്കരുതെന്ന ഒരാവശ്യം മാത്രമെ അവള്‍ക്ക് നിന്നോട് പറയാനുളളു.ബാക്കിയെല്ലാം നിന്‍റെ തീരുമാനം.ഇത് പറഞ്ഞു തീര്‍ക്കും മുന്നെ അവന്‍റെ കൈയില്‍ നിന്നു ഗ്ളാസ് വഴുതി നിലത്തു വീണു പൊട്ടി.എനിക്കുറപ്പായിരുന്നു ഇനി ഒരിക്കലും അവന് ആ കൈകളില്‍ മദ്യം ഒഴിച്ച ഗ്ളാസ് പിടിക്കാനാവില്ലെന്ന്.അശ്വിന്‍ വയലറ്റിനെ ചെന്നു കണ്ടു.

പ്രണയം ഹൃദയത്തില്‍ നിന്നും ഉണ്ടാവുന്നതാവണം എന്ന് ഞാന്‍ കേട്ടിട്ടുണ്ട്.എന്‍റെ ഉളളില്‍ ഇപ്പോഴുളള ഹൃദയം തുടിച്ചിരുന്നത് നിനക്കു വേണ്ടിയായിരുന്നു.ആ ഹൃദയം നിനക്കു വേണ്ടി ഇനിയും തുടിക്കും.എന്‍റെ ചെവിക്കു കേള്‍ക്കാന്‍ മാത്രം ശക്തി നിന്‍റെ സ്വരത്തിനില്ലെന്നു കരുതി.പക്ഷെ നിന്‍റെ സ്വരം കേള്‍ക്കാനുള്ള ശക്തി എന്‍റെ ചെവികള്‍ക്കാണ് ഇല്ലാതെ പോയത്.but now i can hear you.i can hear you clearly with my heart.